श्री महालक्ष्म्याष्टकम् | Shree Mahalskshyashtakam |
श्री महालक्ष्म्याष्टकम्
इन्द्रउवाच
नमस्तेऽस्तु महामाये श्री पीठे सुरपूजिते |
शंखचक्रगदाहस्ते महालक्ष्मी नमोस्तु ते || १ ||
नमस्ते गरुडारूढे कोलासुरभयङ्करि |
सर्वपापहरेदेवि महालक्ष्मी नमोस्तु ते || २ ||
सर्वज्ञे सर्ववरदे सर्वदुष्ट भयङ्करि |
सर्वदुःखहरेदेवि महालक्ष्मी नमोस्तु ते || ३ ||
सिद्धिबुद्धिप्रदेदेवि भुक्तिमुक्तिप्रदायिनी |
मन्त्रमूर्तिः महादेवि महालक्ष्मी नमोस्तु ते || ४ ||
आद्यन्तरहिते देवि आद्यशक्ति महेश्वरी |
योगजे योगसम्भूते महालक्ष्मी नमोस्तु ते || ५ ||
स्थूलसूक्ष्ममहारौद्रे महाशक्ति महोदरे |
महापापहरे देवि महालक्ष्मी नमोस्तु ते || ६ ||
पद्मासनस्थिते देवि परब्रह्मस्वरुपिणि |
परमेशि जगन्मातर्महालक्ष्मी नमोस्तुते || ७ ||
श्वेताम्बरधरे देवि नानालङ्कारभूषिते |
जगत्स्थिते जगन्मातर्महालक्ष्मी नमोस्तुते || ८ ||
महालक्ष्म्याष्टकं स्तोत्रं यः पठेत् भक्तिमान्नर: |
सर्वसिद्धिमवाप्नोति राज्यं प्राप्नोति सर्वदा || ९ ||
एककाले पठेन्नित्यं महापापविनाशनम् |
द्विकालं यः पठेन्नित्यं धनधान्यसमन्वितः || १० ||
त्रिकालं यः पठेन्नित्यं महाशत्रुविनाशनम् |
महालक्ष्मिर्भवेन्नित्यं प्रसन्ना वरदा शुभा || ११ ||
|| इतिन्द्र्कृतं श्रीमहालक्ष्म्याष्टकं सम्पूर्णं ||
![श्री महालक्ष्म्याष्टकम् | Shree Mahalskshyashtakam |](https://blogger.googleusercontent.com/img/b/R29vZ2xl/AVvXsEjkyB56JfVeERd4tXis1gwPEH2BrH2SkZYivDxvAThlPGPhEP9PEYjA1nUaXD-i9OIP-6BVKsceTETZM6zTRojLNbShe5I7VFOh9r-dKC6CEI9NtAjXK_gN7J_exj56C5nv8ETeSbG0cYUVvoQsKDOzy20qFxadzRAQvqbf5_4-TakGyjmdOenGJHf3/s72-w640-c-h360/5BFFC675-0CD4-4D04-B832-D717725CB4D1.png)
कोई टिप्पणी नहीं: