शिव अभिषेक स्तोत्र | Shiv Abhishek Stotra |

शिव अभिषेक स्तोत्र 

शिव अभिषेक स्तोत्र 

ॐ नमो भवाय शर्वाय रुद्राय वरदाय च | 

पशूनां पतये नित्यं उग्राय च कपर्दिने || 1 || 

महादेवाय भीमाय त्र्यंबकाय शिवाय च | 

ईशानाय मखध्नाय नमस्ते मखधातिने || 2 || 

कुमार गुरुवे नित्यं नीलग्रीवाय वेधसे | 

विलोहिताय धूम्राय व्याधीने न पराजिते || 3 || 

नित्यं नीलशिखण्डाय शुलिने दिव्यचक्षुसे | 

हन्त्रे गोप्त्रे त्रिनेत्राय व्याधाय च सुरेतसे || 4 || 

अचिन्त्याम्बिकाभर्त्रे सर्व देव स्तुताय च | 

वृषभध्वजाय मुण्डाय जटिने ब्रह्मचारिणे || 5 || 

तप्तमानाय सलिले ब्रह्मण्याय जिताय च | 

विश्वात्मने विश्वसृजे विश्वमावृत्य तिष्ठते || 6 || 

नमो नमस्ते सत्याय भूतानां प्रभवे नमः | 

पञ्चवक्त्राय शर्वाय शंकराय शिवाय च || 7 || 

नमोस्तु वाचस्पतये प्रजानां पतये नमः | 

नमो विश्वस्यपतये  महतां पतये नमः || 8 || 

नमः सहस्त्रशीर्षाय सहस्त्रभुजमन्यवे | 

सहस्त्र नेत्रपादाय नमः सांख्याय कर्मणे || 9 || 

नमो हिरण्यवर्णाय हिरण्यकवचाय च | 

भक्तानुकम्पिने नित्यं सिध्यतां नो वर प्रभो || 10 || 

एवं स्तुत्वा महादेवं वासुदेवः सहार्जुनः |

प्रसादयामास भवं तदा शस्त्रोपलब्धयै || 11 || 

|| अस्तु ||