धनदा स्तोत्रम् | Dhanada Stotram |
धनदा स्तोत्रम्
|| श्री शिव उवाच ||
अथातः सम्प्रवक्ष्यामि धनदास्तोत्रमुत्तमम् |
यथोक्तं सर्वतन्त्रेषु इदानीं तत् प्रकाशितम् ||
नमः सर्वस्वरुपेण नमः कल्याणदायिके |
महासम्पत्प्रदे देवि धनदायै नमोऽस्तुते ||
महाभोगप्रदे देवि महाकामप्रपूरिते |
सुखमोक्षप्रदे देवि धनदायै नमोऽस्तुते ||
ब्रह्मरुपे सदानन्दे सदानन्दस्वरुपिणि |
द्रुतसिद्धिप्रदे देवि धनदायै नमोऽस्तुते ||
उद्यत्सूर्यप्रकाशाभे उद्यदादित्यमण्डले |
शिवतत्त्वप्रदे देवि धनदायै नमोऽस्तुते ||
विष्णुरुपे विश्वमते विश्वपालनकारिणि |
महासत्वगुणाक्रान्ते धनदायै नमोऽस्तुते ||
शिवरुपे शिवानन्दे कारणानन्द - विग्रहे |
विश्वसंहाररुपे च धनदायै नमोऽस्तुते ||
पञ्चतत्त्वस्वरुपे च पञ्चाचार - सदारते |
साधकाभीष्टदे देविधनदायै नमोऽस्तुते ||
इदं स्तोत्रं मया प्रोक्तं साधकाभिष्टदायकम् |
यः पठेत् पाठयेद्वापि स लभेत् सकल फलम् ||
त्रिसन्ध्यं यः पठेन्नित्यं स्तोत्रमेतत् समाहितः |
स सिद्धिं लभते शीघ्रं नात्र कार्या विचारणा ||
इदं रहस्यं परमं स्तोत्रं परमदुर्लभम् |
गोपनीयं प्रयत्नेन स्वयोनिरिव पार्वति ||
अप्रकाश्यमिदं देवि गोपनीयं परात्परम् |
प्रपठेन्नात्र सन्देहो धनवान् जायतेऽचिरात् |
|| इति धनदास्तोत्रम् सम्पूर्णम् ||
![धनदा स्तोत्रम् | Dhanada Stotram |](https://blogger.googleusercontent.com/img/b/R29vZ2xl/AVvXsEgVQnudqGTL0Z8gRAGO5AIrnr1oCMxBc2-xMq4xatdd8JiDuC2lIe6l3ch3BS57yBwUyWWTNErn07XQIVWAKg8CUPVGR1jghRGK_mgKTwrSHYX6uoXEMiPWyl4W7mm-IxVbBdQeqDNA8RMTZWHpQ3EAl0dsqNQ4gaXNWIbYbyeUXZH7kY1CCi3k77sg/s72-w640-c-h360/1F6121D0-35EC-473C-B953-0D9824C49450.png)
कोई टिप्पणी नहीं: