बिल्वाष्टक स्तोत्र | Bilvashtakm |
बिल्वाष्टक स्तोत्र
ॐ श्री गणेशाय नमः |
ॐ नमः शिवाय |
ॐ त्रिदलं त्रिगुणाकारं त्रिनेत्रं च त्रयायुधम् |
त्रिजन्म पाप संहारमेकबिल्वंशिवार्पणम् || १ ||
त्रिशाखैर्बिल्वपत्रैश्च ह्यच्छिद्रैः कोमलैस्तथा |
शिवपूजां करिष्यामि ह्येकबिल्वंशिवार्पणम् || २ ||
अखण्डबिल्वपत्रेण पूजिते नन्दिकेश्वरे |
शुद्ध्यन्ति सर्वपापेभ्यो ह्येकबिल्वंशिवार्पणम् || ३ ||
शालिग्रामशिलामेकां विप्राणां जातु अर्पयेत् |
सोमयज्ञमहापुण्यमेकबिल्वंशिवार्पणम् || ४ ||
( दन्त )दन्तिकोटिसहस्त्राणि ह्यश्वमेधशतानि च |
कोटिकन्यामहादानमेकबिल्वंशिवार्पणम् || ५ ||
लक्ष्म्याः स्तनत उत्पन्नं महादेवसदाप्रियम् |
बिल्वपत्रं प्रयच्छामि ह्येकबिल्वंशिवार्पणम् || ६ ||
दर्शनं बिल्ववृक्षस्य स्पर्शनं पापनाशनम् |
अघोरपापसंहारमेकबिल्वंशिवार्पणम् || ७ ||
मूलतो ब्रह्मरूपाय मध्यतो विष्णुरूपिणे |
अग्रतः शिवरूपाय ह्येकबिल्वंशिवार्पणम् || ८ ||
बिल्वाष्टकमिदं पुण्यं यः पठेच्छिव सन्निधौ |
सर्वपापविनिर्मुक्तः शिवलोकमवाप्नुयात् || ९ ||
|| इति श्री बिल्वाष्टक स्तोत्र सम्पूर्णं ||
![बिल्वाष्टक स्तोत्र | Bilvashtakm |](https://blogger.googleusercontent.com/img/b/R29vZ2xl/AVvXsEjK5W6W5r2MRUtzvRr0gAy8s_GheCdeV-j_s8QXHAvuY3k_eExEw5yNcjYHE-Z7NEJ5fts1MoR1IaDHivgePk01yJ9A08OZ0A9mxpSuS83B7BFgqOa2JqIy7WEkH9iQE1aFUXvwF1zqTDOhs3BDvjiZHMWHGMILd0JikRv7Qf0IaTwDS34tgvmrmgtu/s72-w640-c-h360/270B5136-012C-4348-9269-388BEEE23224.png)
कोई टिप्पणी नहीं: