श्री लघु सूर्य कवचम् | Shree Laghu Surya Kavacham |
श्री लघु सूर्य कवचम्
|| याज्ञवल्क्य उवाच ||
शृणुष्व मुनिशार्दूल सूर्यस्य कवचं शुभम् |
शरीरारोग्यदं दिव्यं सर्वसौभाग्यदायकम् || १ ||
देदीप्यमानमुकुटं स्फुरन्मकरकुण्डलम् |
ध्यात्वा सहस्त्रकिरणं स्तोत्रमेतदुदीरयेत् || २ ||
शिरो मे भास्करः पातु ललाटं मेऽमितद्युतिः |
नेत्रे दिनमणिः पातु श्रवणे वासरेश्वरः || ३ ||
घ्राणं घर्मघृणिः पातु वदनं वेदवाहनः |
जिह्वां में मानदः पातु कण्ठं मे सुखवन्दितः || ४ ||
स्कन्धौ प्रभाकरः पातु वक्षः पातु जनप्रियः |
पातु पादौ द्वादशात्मा सर्वाङ्गं सकलेश्वरः || ५ ||
सूर्यरक्षात्मकं स्तोत्रं लिखित्वा भुर्जपत्रके |
दधाति यः करे तस्य वशगाः सर्वसिद्धयः || ६ ||
सुस्नातो यो जपेत्सम्यग्योऽधीते स्वस्थमानसः |
स रोगमुक्तो दीर्घायुः सुखं पुष्टि च विन्दति || ७ ||
ॐ नारायणाय विद्महे शेषशायिने
धीमहि तन्नो विष्णुः प्रचोदयात् ||
|| श्री याज्ञवल्क्य मुनि विरचितं सूर्य कवच स्तोत्रम् सम्पूर्णम् ||
![श्री लघु सूर्य कवचम् | Shree Laghu Surya Kavacham |](https://blogger.googleusercontent.com/img/b/R29vZ2xl/AVvXsEj84LRmrWeuMpuZzI7_5h3ZkGHiNIlI43xJZE4xFSDxZ_04q9YKmONjrptY97N9-4_Oaq6T_-USxOxZwnXhoKfESR0qern9CJ_gAy-6jxMSgZa8oTV6oVs8oV4kiQxuZEqoeLVLbxy9g1ou-RTWtv1WnLClbvpT9ci8CYAzy9SqID2V2-wo6S9qRM0H_oc/s72-w640-c-h360/8066AF88-11F0-4CDC-AE96-1D3B55CA8A5B.png)
कोई टिप्पणी नहीं: