श्री पशुपत्यष्टकम् स्तोत्र | Shree Pashupatyashyakam Stotra |
श्री पशुपत्यष्टकम् स्तोत्र
ध्यानम्
ध्यायेन्नित्यं महेशं रजतगिरिनिभं चारुचन्द्रावतंसं
रत्नाकल्पोज्ज्वलाङ्गं परशुमृगवराभीतिहस्तं प्रसन्नम् |
पद्मासीनं समन्तात्स्तुतममरगणैर्व्याघ्रकृत्तिं वसानं
विश्वाद्यं विश्वबीजं निखिलभयहरं पञ्चवक्त्र त्रिनेत्रम् ||
स्तोत्रम्
पशुपतिं द्युपतिं धरणीपतिं भुजगलोकपतिं च सतीपतिम् |
प्रणतभक्तजनार्तिहरं परं भजत रे मनुजा गिरिजापतिम् || १ ||
न जनको जननी न च सोदरो न च भूरिबलं कुलम् |
अवति कोऽपि न कालवशं गतं भजत रे मनुजा गिरिजापतिम् || २ ||
मुरजडिण्डिमवाद्यविलक्षणं मधुरपञ्चमनादविशारदम् |
प्रथमभूतगणैरपि सेवितं भजत रे मनुजा गिरिजापतिम् || ३ ||
शरणदं सुखदं शरणान्वितं शिव शिवेति शिवेति नतं नृणाम् |
अभयदं करुणावरुणा लयं भजत रे मनुजा गिरिजापतिम् || ४ ||
नरशिरोरचितं मणिकुण्डलं भुजगहारमुदं वृषभध्वजम् |
चितिरजोधवलीकृतविग्रहं भजत रे मनुजा गिरिजापतिम् || ५ ||
मखविनाशकरं शशिशेखरं सततमध्वरभाजिफलप्रदम् |
प्रलयदग्धसुरासुरमानवं भजत रे मनुजा गिरिजापतिम् || ६ ||
मदमपास्य चिरं हृदि संस्थितं मरणजन्मजराभयपीडितम् |
जगदुदिक्ष्य समीपभयाकुलं भजत रे मनुजा गिरिजापतिम् || ७ ||
हरिविरञ्जिसुराधिपपूजितं यमजनेशधनेशनमस्कृतम् |
त्रिनयनं भुवनत्रितयाधिपं भजत रे मनुजा गिरिजापतिम् || ८ ||
पशुपतेरिदमष्टकमद्भुतं विरचितं पृथिवीपतिसूरिणा |
पठति संशृणुते मनुजः सदा शिवपुरीं वसते लभते मुदम् || ९ ||
|| इति श्री पृथिवीपतिसूरिविरचितं श्री पशुपत्यष्टकं सम्पूर्णम् ||
![श्री पशुपत्यष्टकम् स्तोत्र | Shree Pashupatyashyakam Stotra |](https://blogger.googleusercontent.com/img/b/R29vZ2xl/AVvXsEit8ycdcnwrd4ol6AJgw_s0t2elk7H4RAKTJ9s3f0FRB55DjFIJ7VFGfhzpw44d31xHqLsWb-nrrFDwEBZmY6iSOW8bzaF4rNc4zQVGDz9HdEvLM33e5d4z2qSlY7Tfg9Hwyi5hcF4fgMiMuF-Qeuu85xtH47JIsx3z4Ais97oxmPz81l-C_pf8EKzL/s72-w640-c-h360/%E0%A4%A8%E0%A4%B5%E0%A4%97%E0%A5%8D%E0%A4%B0%E0%A4%B9%20%E0%A4%AE%E0%A4%82%E0%A4%A4%E0%A5%8D%E0%A4%B0%20%E0%A4%9C%E0%A4%BE%E0%A4%AA%20%E0%A4%95%E0%A5%87%20%E0%A4%B2%E0%A4%BF%E0%A4%AF%E0%A5%87%20%E0%A4%95%E0%A4%BF%E0%A4%B8%20%E0%A4%AE%E0%A4%BE%E0%A4%B2%E0%A4%BE%20%E0%A4%95%E0%A4%BE%20%E0%A4%AA%E0%A5%8D%E0%A4%B0%E0%A4%AF%E0%A5%8B%E0%A4%97%20%E0%A4%95%E0%A4%B0%E0%A5%87%20%20.png)
कोई टिप्पणी नहीं: